Gorro creativo

Gorro creativo

Explorar a creatividade e desenvolver a motricidade fina son aspectos esenciais no crecemento dos nenos. Nesta manualidade do gorro de inverno, combinamos diversión e aprendizaxe, fomentando a creatividade e a motricidade fina nos nenos. Ao realizar trazos, colorear e recortar, non só espertan a súa imaxinación, senón que tamén melloran a súa coordinación man-ollo e a súa habilidade para manexar detalles. Ademais, ao seguir patróns e liñas ao decorar o gorro, exercitan habilidades esenciais para a escritura. Esta actividade é unha maneira encantadora de desenvolver habilidades prácticas e artísticas nos pequenos.
Que materiales imos necesitar?
  • Cartolinas brancas
  • Cera branca
  • Colorante alimentario
  • Lá de cores
  • Pinceis
  • Tesoiras
  • Cola branca

Imprimir nunha cartolina branca o patrón do gorro. Realizar diferentes trazos de forma libre ou guiada no gorro coa cera branca.

Mesturar nun pouquiño de auga unhas gotas de colorante e cun pincel comezar a pintar sobre o gorro. Parece maxia! Aparecen os debuxos realizados. Deixar secar durante un ratiño.

Realizar un pompón envolvendo a lá nos dedos e uníndoa polo medio. Despois, recortar as puntas.

Unha vez seco, recortar o debuxo, botar cola e pegar o pompón no gorro.

Xa temos a nosa manualidade lista para decorar calquera espazo da aula ou da casa.